+670 76162229 info@esgp-suai.tl Tali-Oan, Laconac, Debos, Suai, Covalima

Menus Manorin Na’in ESGP-Suai Rekruta Profesores Parsiais Na’in 10

Foto: Jornalista RCCT “Lito de Jesus” halo Intervista ho Diretur ESGP- Suai ” Francelino Freitas de Carvalho”

Covalima (RCCT) 28-01-21 ESGP-Suai Sei Selu Profesores Parsias Hamotuk Na’in 10 liu husi osan Kontribuisaun nebe Inan/Aman Estudante sira fo.

Kasu lia ba Radio Cova Taroman Diretur ESGP  Francelino Freitas Quinta Feira 928-01-21) iha nia k’nar fatin dehan rekrutamentu ba profesores parsiais ne’e halo bazeia ba konkordansia entre Inan Aman Estudante ho Eskola relasiona Numeru Estudante nebe  aumenta kada tinan iha Eskola Sekundaria Publiku Jeral (ESGP “Sigla Portuguesa”) Suai .

“Profesores parsias sira ne’e ami sei selu ho osan kontribuisaun husi inan aman estudante sira, no eskola mak sei halo kontratu ho profesores sira ne’e tuir regulamentu nebe ESGP iha.” Esplika Diretur ESGP Francelino Freitas de Carvalho ba RCCT.

Relasiona ho rekrutamentu ba profeores parsias ne’e Diretur Francelino dehan ESGP sei fo valorizasaun ba profesor ne’e pasa iha seleksaun final ho vensimentu mensal nebe sei hahu ho $125 kada ema.

“Sira ne’e la’os mai hanorin Voluntario, maibe sira ne’e Parsiais, parsiais katak part time, sira mai kontribui tuir oras nebe fo ona ba sira, tanba ne’e eskola sei selu tuir beban ne’e, iha inisiu eskola sei selu ho Osan $125 ba kontratu fulan 3, depois ami sei avalia se sira diak mak ami kontinua, ladiak mak ami sei troka ho ema seluk.” Katak Diretur ESGP Francelino.

Diretur Francelino Salienta rekrutamentu Profesores Parsiais ne’e halo bazeia ba nesesidade ESGP  tan ne’e desizaun ba kanditura sira sei disidi hamotuk deit iha nivel internal do eskola.

tuir planu nebe desidi ona iha tinan kotuk, atu halo rekrutamentu ba profesores  parsiais na’in 10  ba disiplina linggua portugues, lingua melayu, disiplina teknologia no multimedia, religiaun, desportu ho temas i leteratura.” Dehan Diretur Franselino.

Entretantu prosesu rekrutamentu ne’e hahu ho simu dokumentus rekerentes nebe komesa iha loron 26 no sei taka iha loron 29 fulan fulan ida ne’e.

Jornalista         : Lito de Jesus

Editor               : Chamot Nahac

Fontes: https://www.rcct.tl/menus-manorin-nain-esgp-suai-rekruta-profesores-parsiais-nain-10/

X