+670 76162229 info@esgp-suai.tl Tali-Oan, Laconac, Debos, Suai, Covalima

Marcelino “MEJD la bele garantia Estudante sira Maioria asessu ba eskola ba uma no Eskola Online”

Covalima (RCCT) 18-06-2021 Relasiona ho EE no SS durante ne’e, Governo implementa Eskola Online ba Estudante sira iha TImor Laran tomak, tanba ne’e iha Covalima Inan/Aman Estudante sira Preokupa ho Implementasaun Eskola ba Uma no Eskola Online ne’e.

Hanesan Amanba  estudante Marcelino Soares Pinto husi Aldeia Fohorua Suco Ogues, hateten Eskola Onlineba estudante sira durante ne’e fo benefisio deit ba ema riku nia oan sira deit, tanba ema nebe maka k’biit laek susar atu hola telefone (Android) hodi fasilita oan sira ba eskola online.

Tanba ne’e, Marcelino konsidera sira nia oan durante ne’e sai vitima ba situasaun  EE no SS nebe  maka enfrenta Governu Implementa durante ne’e.

Maibe Marcelino mos dehan Nudar Sidadaun ida nebe di’ak tenki Kumpri regra hotuiha ba EE no SS ne’e

“ Regras sira nebe maka iha ne’e nu’udar Timor oan ne’e tenke kumpri, maibe ba impaktu kona ba eskola nian ne’e, ha’u sente eskola online ne’e fo vantagem ba ema riku nia oan sira deit tanba, ema nebe riku ne’e bele hola telefone android ba oan sira, maibe ema nebe maka ki’ak, hanesan oan na’in 4 ne’e eskola hotu, ne’e susar tebes, depois Estado emergensia besik tinan rua ona, estudante sira nia idade mos aumenta ba bebeik, ida ne’e mos bele prejudika bainhira vaga ruma ne’ebe maka harte ba ema nia idade ne’e ” Dehan Marcelino

Nune’e Marcelino husu ba Polítiku na’in sira, atu hapara ona polítika nune’e bele hare problema nebe maka Povu infrenta durante EE no SS ne’e, Marcelino mos husu ba MEJD atu la bele garantia Estudante sira Maioria asessu ba eskola ba uma, tanba Estudante sira nebe maka iha area rurais barak mak la asessu ba televisaun no rede internet.

“ Hato’o ba polítiku sira hapara ona polítika ne’e hodi hare fali saida maka ami povu enfrenta durante ne’e, tamba ne’e hau husu atu hapara ona polítiku, ba MEJD nudar inan aman ami haraik an ba nia katak, nia lalaika hanoin katak eskola online ne’e oan sira asessu hotu, sira ne’e koalia deit iha nasional, maibe iha area rurais ne’e sira la hatene, ne’ebe MEJD tenke hanoin didiak ” Marcelino hakotu.

Iha Sorin Seluk Diretur EBC Ogues Saturnino Barros rekonhese Situasaun ida ne’e fom impaktu bo’ot ba estudante sira, tanba ne’e nia parte husu ba Estudante sira atu aprende nafatin material nebe maka antes ne’e simu ona husi Professor sira.

“ Hau Sente Situasaun ida ne’e fo impaktu bot tebes ba estudante sira Ensino Pre-Primário to’o Nivel Superior, maibe hau hakarak husu ba Estudante sira, labele lakon tempo ne’e liu deit, tenke loke nafatin Matéria ne’ebe maka ita nia Professor sira fahe on aba ita ” Diretor ne’e hakotu.

Kobertura : Estudante ESGP Suai “JOJO”

Editor        : Tino Gusmao

Fontes      :  https://www.rcct.tl/marcelino-mejd-la-bele-garantia-estudante-sira-maioria-asessu-ba-eskola-ba-uma-no-eskola-online/

X