+670 76162229 info@esgp-suai.tl Tali-Oan, Laconac, Debos, Suai, Covalima

ESGP-Suai Hahu ona kria sistema Online hodi Fasilita Prosesu Aprendizazen ba Estudante sira

Covalima (RCCT) 14-05-21, Ekola Sekundaria Geral Publika (ESGP)-Suai Estabelese Sistema dizitalizasaun nune’e hodi fasilita Estudante sira bele adapta ba era globalizasaun no modernizasaun ne’e.

Diretur ESGP Suai Franselino Freitas hateten liga ba mundu globalizasaun agora ne’e estudante ESGP-Suai hotu labele ona uza sistema tuan tanba ne’e mak ESGP kria sistema dizitalizasaun atu nune ba oin estudante sira sei uza hotu sistema dizitalizasaun hodi aprende no adapta aan tuir mudansa global nebe la’o.

Eskola iha nia objectivu atu aplika sistema transparensi iha gestaun administrasaun no finansas ne’e ma eskola kria sistema dizitalizasaun, Aleinde ne’e mos ita hare mundu agora iha ona era glolizasaun, tan mak estudante sira iha Eskola Sekundria Geral Publika de Suai ba oin estuante sira sei aprende uza hotu sistema dizitalizasaun ida nee.” Dehan Diretur Franselino

Diretur Franselino Freitas hatutan, durante ne’e eskola prepara kondisoens maka hanesan instala ona rede internet iha sala Laboratoriu eskola nune profresores ho estudante sira bele asesu hodi ajuda prosesu aprendizajen liu husi sistema online.

Tuir fali mai eskola mos prepara ona kondisoes hanesan instala ona internet iha ita nia eskola sekundaria geral publika de suai ,liu liu iha ita nia sala IT para oinsa maka estudante no profesores sira bele asesu prosesu ensino aprendijazen liu husi sistema online” Hakotu Franselino Freitas

Iha Sorin Seluk Prezindente Konselu Inan Aman Estudante Raimundo Amaral Afirma ESGP-Suai kria sistema oniline ne’e bele fo Benefisiu di’ak ba estudante sira maibe depende ba Estudante nia partisipasaun no Vontade atu aprende.

ida ne’e fo Benefisio di’ak tebes ba alunos sira iha eskola ne;e, maibe fila fali ba estudante sira nia partisipasaun, se estudante sira iha vontade di’ak mak sira bele hetan benefisio di’ak liu husi sistema dizitalizasaun ne’e ka sistema online ne’e.”Dehan Prezidente Konselun Inan Aman Estundate iha ESGP Suai, Raimundu Amaral.

Nune’e mos Diretur ESGP de Suai Franselino Freitas senti kontenti ho Estudante ESGP sira nia Partisipasaun iha Formasaun Jornalista Baziku Radio Fuzaun iha estasaun RCCT nebe servisu hamotuk ho ARKTL nebe hetan Apoio husi UNESCO.

Kontributor : Jornalista Estudantil ESGP-Suai (Juvita Ximenes)

Editor          : Ansa Nunes

Fontes        : https://www.rcct.tl/esgp-suai-hahu-ona-kria-sistema-online-hodi-fasilita-prosesu-aprendizazen-ba-estudante-sira/

X