+670 76162229 info@esgp-suai.tl Tali-Oan, Laconac, Debos, Suai, Covalima

Parseiru ho ARKTL no Uniesco- RCCT Asina MOU ho ESGP-Suai ba Formasaun Radio Fuzaun ba Estudante sira

Covalima (RCCT) 7–6-21-Eskola Sekundaria Geral Publiku( ESGP)- Suai hamotuk ho Radio Cova Taroman (RCCT) Asina Akordu Servisu hodi keria koperasaun nune’e bele fo formasaun ba estudante sira hamotuk ema nain 10 kona ba Jornalista Baziku ba Radio Fuzaun.

Partisipa iha Asina Akordu Servisu ne’e mak Diretur ESGP, Jestor Radio Cova Taroman, Presidente Estudantil ESGP no Estudante Nain 10 nebe atu partisipa iha Formasaun kona ba Radio Fuzaun ne’e.

Nune’e diretur ESGP-Suai Francelino Freitas hateten estudante sira nebe maka atu tuir formasaun Jurnalista ne’e sei sai hanesan Jestor ba website eskola nian nebe antes ne’e kria ona no mos sei sai hanesan Jornalista iha ESGP-Suai.

“Aban bain rua emi maka sai gestor ba website eskola esgp ne’e rasik , no sai jornalista iha ita nia eskola esgp suai ne’e, tanba imi sei mos iha kartaun identidade,i mi mos sai hanesan jornalista lokal sira seluk iha municipio covalima, tanba ita eskola ESGP- Suai ne’e iha Media rasik, iha formasaun emi sei aprende kona ba hakerek noticia, ida ne’e hotu ita sei publika iha ita nia website eskola esgp nian relasiona ho asuntu Edukasuan ninia liliu aktividades sira nebe halo iha Ita nia Eskola” Diretor ESGP -Suai Francelino Freitas Enkoraza Estudante sira.

Iha fatin Hanesan Jestor Radio Cova Taroman Chamot Nahac Afirma Koperasaun Servisu ho ESGP ne’e Realiza tanba RCCT halo Parseiru ho Assosiasaun Radio Komunidade Timor Leste (ARKTL) nebe hetan Apoio Fundus husi UNESCO iha Timor Leste.

“ Antes ita Kria Komperasaun servisu Entre RCCT ho ESGP nebe ohin ita lansa ka Asina Akordo ne’e, RCCT mos halo ona parseiru servisu ho ARKTL kona ba Programa iha ne’e, no aktividade sira ne hotu realiza tanba hetan Apoio husi UNESCO iha Timor Leste” Katak Jestor RCCT

Jestor RCCT Fundamenta Koperasaun ne’e sei la’o durante fulan 3 nebe servisu hamotuk ho ARKTL nebe hetan apoio husi Unesco, maibe ba futuru RCCT iha hanoin sei hakarak nafatin servisu hamotuk ESGP Suai hodi fasilita Programa sira nebe Estudante sira Produs hodi transmite iha Estasaun Radio Cova Taroman.

“ Agora ita lao ba fulan 3 nebe RCCT halo parseiru ho ARKTL no hetan Apoio hosi Unesco, maibe Radio rasik iha Hanoin hakarak kontinua nafatin atu fasilita eskola iha Area Jornalismu ninian liliu kona ba Radio Fuzaun ne’e” Jestor RCCT hakotuk.

Engkuantu Asina Akonrdo servisu ne’e realiza iha Gavenete ESGP-Suai Sexta Feira (04-06) Foin lalais ne’e.

Jornalista : Lito de Jesus.

Editor       : Bere Badaen

Fontes : https://www.rcct.tl/parseiru-ho-arktl-no-uniesco-rcct-asina-mou-ho-esgp-suai-ba-formasaun-radio-fuzaun-ba-estudante-sira/

X