+670 76162229 info@esgp-suai.tl Tali-Oan, Laconac, Debos, Suai, Covalima

Jestor RCCT Garantia Estudante na’in 10 nebe tuir formasaun Jornalista basiku sei sai Jornalista Estudantil Iha ESGP Suai

Covalima (RCCT) 07-06-21, Liu husi kolaborasaun hamutuk Eskola Sekundaria Geral Publiku(ESGP) Suai iha Municipio Covalima hamutuk ho Radio Comunidade Cova Taroman (RCCT) fasilita formasaun estudante k nain 10 iha ESGP kona Jornalista Baziku no Radio Fuzaun

Konfesa ba Jornalista Jestor Radio Cova Taroman hanesan Fasilitador informa, Treimantu ne’e halao tanba kopera hamotuk ho ESGP nebe mak RCCT rasik parseiru ho ARKTL no hetan Apoio husi UNESCO hodi bele realiza programa nebe hanesan Lian Estudante.

objetivu husi Radio Comunidade fo formasaun ba estudante sira atu promove estudante sira iha area jurnalismo nian liu liu iha radio fuzaun no oinsa atu kria rasik programa eskola nian nebe hanaran lian estudante no radio sei akompania nafatin estudante sira durante fulan atu nune hodi produs Programa no notisia atu bele publika ka transmite iha radio nomos bele publika liu husi website eskola nian rasik no website radio nian” Dehan Jestor Radio Cova Taroman iha ESGP Segunda Feira (07-06).

Jestor Chamot Fundamenta Radio iha Komitmentu atu fahe matenek nebe iha kona ba jornalista Baziku no mos iha kapasidade atu habelar matenek kona ba Radio Fuzaun ka Radio Broadcasting ba estudante sira. Nune’e mos RCCT iha komitmentu atu enkoraza nafatin estudante sira hodi halo produs programa no radio mos fo fatin atu estudante sira bele transmita sira produsuan iha estudio RCCT.

RCCT nia kbiit maka atu fahe kapasidade, enkoraza nafatin estudante sira ne’e mos depende ba iha eskola ninia mekanismo oinsa depois formasaun ne’e eskola nafatin hakarak kontinua ka lae depois de fulan 3 ne’e, maibe ami nafatin enkoraja eskola no estudante sira atu nune’e bele la’o nafatin, tanba iha eskola ida ne’e iha ona mos fasilidade atu hodi fasilita estudante sira, tanba tuir ha’u fasilidade nebe nebe iha sufiseente ba estudante sira depois remata formasaun fulan tolu ne’e atu kontinua halo programa radio no transmite liu RCCT ninia Frekuensia” dehan Jestor Radio Comunidade Cova Taroman Chamot Nahac

Gestor Chamot Nahac hatutan estudante nebe maka tuir formasaun ne’e hamutuk ema nain sanulu kompostu husi feto loima ho mane nain lima no sira nemak sei reprejenta estudante hotu iha eskola sekundaria geral publiku Suai Municipio Covalima hodi Produs Programa radio nebe hanaran Lian Estudante Durante Fulan 3.

“Estudante nebe maka partisipa iha formasaun ne’e hamutuk ema nain sanulu kompostu husi feto nain lima ho mane nain lima iha formasaun ne’e, Radio sei fasilita sira kona ba saida maka radio Jornaalista Baziku, Radio fuzaun no mos halore ba sira kona ba saida kode etika Jornalista nian” Tenik Chamot

Jestor RCCT ne’e Optimista ho Enkoraza Estudante sira atu bele susesu hodi sai Jornalista estudantil iha ESGP-Suai nune’e bele sai jestor ba Media eskola nian nebe mak estabelese ona.

Ha’u Optimista, ha’u nafatin motiva sira atu sira nain 10 ne’e bele susesu iha Programa ida ne’e, no hau garantia sira sei jestor diak mak media eskola nian nebe mak eskola hari ona ne’e” Dehan Chamot

Iha Fatin hanesan estudante Lia Ermina nebe Partisipa iha Formasuan ne’e orgulhu tanba bele hetan fiar husi eskola hodi delega sai partisipante iha formasaun jornalista baziku ne’e.

“Ha’u senti kontenti ho formasaun ida ne’e tanba liu husi formasaun ne’e ami bele aprende ona iha area jurnalismo nian no ba oin ami mos hakarak tun ba iha terenu hodi halo knar hanesan Jornalista,” Dehan Estudante Lia Rrmina Fernandes

Aleinde ne’e Joviano Jose hanesan mos partisipante ba iha formasaun ne’e mos expresa kona ba formasaun ne’e bele forma nia sai jornalista ida nebe diak iha futuru.

ha’u senti kontenti tebes ho aprezentasaun kona ba jurnalita basiku ne’e, tanba liu husi aprenzentasaun iha formsaun ne’e ha’u bele komprende kona ba jornalista no aban bain rua hau bele sai jornalista ida nebe Profesional” dehan Joviano Jose.

Jurnalista : Lito de Jesus

Editor    : Bere Badaen

Fontes    : https://www.rcct.tl/jestor-rcct-garantia-estudante-nain-10-nebe-tuir-formasaun-jornalista-basiku-sei-sai-jornalista-estudantil-iha-esgp-suai/

X